මම:
හිත මා ළඟ නොයිද
නැවතී ඉන්නේ කොයිද
ආපසු මා වෙත එයිද
මට තිබූ එක හිත නොවෙද
හිත:
මම යනවා ඔබ නොම දුටුවා
එන්නට මග අමතක වී ඇතුවා
වෙඩි වැදී මියගොස් නැතුවා
පණ අදිනවද කෙනෙකුන් ඇසුවා
මම:
ආපසු එන්න මට තනි කම දැනේ ඉතින්
හිත නැති මම බොල් වී කරලක්ය නිතින්
රැක ගන්නට වැට කොටු බඳින්නම් සිටින්
සුව වෙයි ඔබ මා ළඟම ඉඳිනු බැතින්
හිත:
සිරකරුවෙක් විය එන්නට සිතු විටදී
දඩුවම හිනැහෙන එකයි දැවුනත් වේදනා දිදී
නිදහස දෙයිද මෙතැනින් කෙදිනකදී
ආ දිනක ඔබ ළඟම හිදිනෙමිය රැදී
No comments:
Post a Comment